Klabu ya Barcelona imefungwa na kutupwa nje ya Ligi ya Mabingwa Ulaya baada ya kukubali kichapo cha mabao 2-0 na Atletico Madrid Uwanja wa Vicente Calderon mjini Madrid.
Atletico Madrid wanasonga mbele kwa ushindi wa jumla wa 3-2 baada ya awali kufungwa 2-1 Uwanja wa Camp Nou, Barcelona.
Mabao yote Atletico yamefungwa na Antoine Griezmann dakika ya 36 na lingine kwa penalti dakika ya 88
Atletico Madrid na Bayern Munich zinaungana na Real Madrid ya Hispania na Manchester City ya England katika Nusu Fainali, ambayo droo yake itapangwa kesho Ijumaa.
Bayern Munich imesonga kwa jasho kwenda hatua ya Nusu Fainali baada ya kuitoa Benfica kwa ushindi wa jumla wa 3-2 baada ya sare ya 2-2 leo Uwanja wa Luz.
Mabao ya Benfica yamefungwa na Raul Alonso Jimenez Rodriguez dakika ya 27 na Anderson Souza Conceicao dakika ya 76, wakati ya Bayern iliyoshnda 1-0 katika mchezo wa kwanza nyumbani wiki iliyopita, yamefungwa na Arturo Vidal dakika ya 38 na Thomas Muller dakika ya 52.
