Waziri Mkuu wa zamani wa Kenya Raila Odinga akisalimiana na Mke wa Rais Mama Janeth Magufuli mara baada ya kuwasili Chato.
Rais Dk. Magufuli ameungana na waumini wenzake wa Kanisa la Bikira Maria Parokia ya Chato mkoani Geita ikiwa ni Jumapili ya pili ya Pasaka.
katika ibada hiyo Dk.Magufuli amewataka watanzania wote kuliombea taifa ili liendelee kuwa na amani ‘Niwaombe watanzania wote tuendelee kushirikiana na kushikamana kwa umoja na siku zote tumtangulize Mungu mbele.Tujitahidi kufuata matendo ya Yesu Kristo ya kusameheana, kupendana , kushirikiana na tusibaguane.
Aidha pamoja na Rais Magufuli na mkewe Mama Janeth pia amehudhuria Waziri Mkuu Mstaafu wa Kenya Raila Amoro Odinga na Mkewe mama Ida Odinga waliowasili kijijini hapo akitokea Nairobi nchini Kenya.
Katika salam zake Odinga aliwashukuru watanzania kwa uhusiano wao mzuri na wananchi wa Kenya,huku akitoa mfano jinsi Mwl. Nyerere alivyompatia pasi ya kusafiria ya Tanzania kwa miaka mitatu aliyoitumia kwenda kusoma nje ya nchi baada ya kunyimwa na utawala wa kikoloni kukataa kumpa pasi hiyo.