Mshindi wa nafasi ya Urais katika uchaguzi wa marudio Dkt Shein, amezungumza na wanahabari kuhusu hatima ya chama cha CUF ambacho kilisusia uchaguzi wa marudio Jumapili. Amesema kwa sasa ataongoza serikali kwa miaka mitano ijayo. Hajafutilia mbali uwezekano wa kufanya kazi na CUF lakini amedokeza kwamba itakuwa vigumu
Wafuasi wa Chama cha Mapinduzi (CCM) wamekuwa wakisherehekea katika barabara za mji wa Unguja baada Dkt Ali Mohammed Shein kutangazwa mshindi wa uchaguzi wa marudio.
Matokeo kamili kama yalivyotangazwa na Tume ya Uchaguzi Zanzibar (ZEC), yanaonesha licha ya Chama cha Wananchi (CUF) kususia, mgombea wake Maalim Seif Sharif Hamad alipata kura 6,076 kwenye uchaguzi wa marudio uliofanyika Jumapili.
Hamad Rashid Mohamed wa chama cha ADC ndiye wa pili akiwa na kura 9,734.
