Mgombea, Donald Trump.
ALIYEKUWA mgombea wa urais kupitia Chama cha Republican nchini Marekani, Mitt Romney ameibuka na kukitaka chama chake kutomteuwa Donald Trump huku akimtaja mgombea huyo aliyeshinda kuwa ni tapeli.
Romney ametoa shutuma hizo kwa Trump kwa kuwachukulia raia wa Marekani kama wajinga katika hotuba ya siri iliotolewa kwa vyombo vya habari. Trump hatahivyo amemkejeli Romney katika mtandao wa tweeter kama mgombea aliyefeli na ambaye hafai kutoa ushari wowote kuhusu uchaguzi kwa sasa.
Viongozi wakuu wa Chama cha Reupblican wameshangazwa na tuhuma hizo ilhali Trump anaelekea kushinda tiketi ya chama cha Republican kwa uchaguzi huo wa mwezi Novemba.
Mitt Romney
Inadaiwa kuwa wanachama kadhaa wa kamati ya kitaifa kuhusu usalama wa jamii waliandika barua ya wazi wakielezea maoni ya Trump kama yasio na msingi wala sera. Trump amejiwasilisha kama muunganishi kufuatia ushindi wake katika majimbo saba katika ile ilipotajwa kuwa jumanne maalum na hivyobasi kuimarisha uongozi wake katika chama chake.
Romney ambaye amekuwa mkosoaji mkubwa wa Trump anatarajiwa kutoa onyo katika hotuba yake siku ya Alhamisi, kwamba sera za Trump ni tishio kwa chama cha Republican na taifa zima kwa jumla. Romney pia ataelezea hatari za uteuzi wa Trump ambao utarahisisha harakati za Bi. Hillary Clinton kushinda urais nchini humo.
-BBC