Leicester City wanazidi kujikita kileleni mwa ligi kuu England baada ya leo kuwatungua vigogo wa EPL Man City kwa mabao 3-1.
Licha ya kuwa hawapewi nafasi kubwa ya kutwaa ubingwa, vijana hao wa Ranieri wanaonekana kuwa na ari ya hali ya juu na kuwapa fursa kubwa ya kuendelea kuongoza ligi na hatimaye kutwaa ubingwa.
Ifuatayo ni michezo ambayo endapo watashinda, basi watakuwa wamejipalilia njia ya kutwaa ndoo ya EPL msimu huu.
Robert Huth amepiga bao mbili kwenye game hiyo huku Riyad Mahrez akipiga bao moja wakati huo akiwa amepika moja ya bao ambalo lilifungwa na Huth
Sergio Aguero aliifungia Manchester City bao pekee la kufutia machozi dakika za lala salama.
Leicester tayari imeshatoa kichapo kwa Tottenham ambayo ipo nafasi ya pili kwenye msimamo wa ligi kwenye uwanja wa Spurs White Hart Lane mwezi January lakini matokeo ya leo dhidi ya City yalikuwa muhimu sana kwenye msimu huu wa kihistoria kwao.
