Aliyewahi kuwa Kocha wa taifa za Tanzania Kim Poulsen ameonekana kwenye picha akipiga story na Jamal Malinzi Raisi wa Shirikisho la Mpira wa Miguu Tanzania (TFF). Inasemekana kocha huyo yupo nchini kwa mambo yake binafsi lakini alikutana na Malinzi na kufanya mazungumzo.
Lakini paia kuna tetesi zinadai kuwa, huenda Malinzi alikuwa akijaribu kumshawishi kocha huyo arejee nchini kuzifundisha timu za taifa za vijana.
Kocha huyo aliwahi kuifundisha timu ya taifa ya vijana ambayo wachezaji wake wengi wanafanya vizuri kwa sasa lakini aliifundisha pia timu ya taifa ya wakubwa ‘Taifa Stars’ kabla ya kutimuliwa na nafasi yake kuchukuliwa na Mart Nooij ambaye pia alifungashiwa virago na nafasi yake kuchukuliwa na mzawa Charles Boniface Mkwasa.
Kama mambo yakienda vizuri kocha huyo huenda akasaini mkataba wa kuvinoa vikosi vya timu za taifa za vijana.