Aliyekuwa Mwenyekiti wa Chama Cha Mapinduzi (CCM) Halmashauri ya Wilaya ya Ngorongoro, mkoani Arusha, Elias Sironga (kulia) akikabidhiwa kadi ya uanachama wa CHADEMA na Mbunge wa Arumeru Mashariki Joshua Nassari, jana katika ofisi za Chadema Mkoa wa Arusha.
Katibu wa fedha na Uchumi wa CCM wilaya ya Ngorongoro, Arusha, Kaigil Ngukwu, (mwenye suti) ni aliyekuwa Mwenyekiti wa Halmashauri hiyo na Diwani wa CCM Kata ya Malambo, Elias Ngorisa, akiwa na viongozi wa mila toka wilayani humo (Malaigwanan), na Mbunge wa Arumeru Mashariki(Chadema) Joshua
Nassari, katika Ofisi za Chadema Mkoa wa Arusha zilizopo eneo la Ngarenaro, mara baada ya kuhama CCM na kuhamia Chadema.
Mwenyekiti wa Halamshauri ya Ngorongoro, Elias Ngorisa, akizungumza na waandishi wa habari jana jijini Arusha mara baada ya kuhama CCM na kuhamia Chadema, kushoto kwake ni Mbunge wa Arumeru Mashariki Joshua Nassari.
Katibu wa fedha na Uchumi wa CCM wilaya ya Ngorongoro, Arusha, Kaigil Ngukwu, aliyekuwa Mwenyekiti wa Halmashauri hiyo na Diwani wa CCM Kata ya Malambo, Elias Ngorisa (mwenye suti), akiwa na viongozi wa mila toka wilayani humo (Malaigwanan), na Mbunge wa Arumeru Mashariki (Chadema) Joshua Nassari, katika Ofisi za Chadema Mkoa wa Arusha zilizopo eneo la Ngarenaro, mara baada ya kuhama CCM na kuhamia Chadema.
Na Mwandishi Wetu, Arusha
ALIYEKUWA Mwenyekiti wa Chama Cha Mapinduzi (CCM) Halmshauri ya Wilaya ya Ngorongoro mkoani Arusha, Elias Ngorisa na Katibu wa Fedha na Uchumi wa CCM Wilaya ya Ngorongoro, Arusha, Kaigil Ngukwu ambaye pia alikuwa ni Diwani wa CCM Kata ya Enguserosambo, wamehama chama hicho na kuhamia Chadema.
Wakizungumza kwa pamoja na waandishi wa habari jana katika Ofisi za Chadema Mkoa wa Arusha, viongozi hao walisema kuwa wamelazimika kuhama CCM kutokana na ukiukwaji wa kanuni na katiba uliofanywa na viongozi pamoja na kutaka mabadiliko ambayo wameyakosa ndani ya CCM.
Ngorisa ambao pia walikuwa wameambatana na viongozi wa kimila Malaigwanani wakiongozwa na Laigwanani Laurance Ngorisa walipokelewa na Mbunge wa Arumeru Mashariki, Joshua Nassari.
Wakizungumza mara baada ya kukabidhiwa kadi Ngorisa alisema, amefikia uamuzi huo baada ya kubaini mifumo iliyopo ndani ya CCM imekuwa ikinyima haki kwa wanachama wake. Alisema ameamua kuondoka CCM kwani kumekuwa na ukiukwaji mkubwa wa kanuni ndani ya chama hicho pamoja na vitendo vya rushwa hasa wakati wa uchaguzi.
Walisema kuwa hivi karibuni wanatarajia kupokea viongozi na wanachama wa CCM kutoka wilayani humo na kuwa kwa pamoja wanamuunga mkono mgombea Urais wa UKAWA, Edward Lowassa, aliyechaguliwa hivi karibuni.