USAJILI wa wachezaji wa klabu za Ligi Daraja la Kwanza kwa msimu huu utafanyika baada ya kumalizika Ligi ya Taifa hatua ya fainali inayoendelea hivi sasa kwenye Uwanja wa Mkwakwani, jijini Tanga.
Baada ya fainali hizo kumalizika Agosti 14 mwaka huu TFF itatoa mwelekeo wa usajili huo (roadmap) ikiwemo tarehe ya kuanza na kumalizika, pamoja na kipindi cha pingamizi. Timu tano kutoka kwenye fainali ya Ligi ya Taifa inayoshirikisha timu 12 zitapanda kuingia daraja la kwanza.
Ligi Daraja la Kwanza ambayo itaanza katika hatua ya makundi na baadaye kuchezwa kwa mtindo wa nyumbani na ugenini itashirikisha jumla ya timu 18, na inatarajia kuanza Septemba 3 mwaka huu.
Imetolewa na Boniface Wambura, Ofisa Habari TFF.