Rais Jakaya Kikwete alipomtembelea Jaji Lewis Makame alipokuwa amelazwa hospitalini kwa matibabu hivi karibuni kabla ya kifo chake.
TAARIFA ambazo mtandao huu umezipata ni kwamba aliyewahi kuwa Mwenyekiti wa Tume ya Uchaguzi nchini (NEC), Jaji Lewis Makame amefariki dunia katika Hospitali ya Trauma Center Masaki jijini Dar es Salaam. Taarifa zinasema Mwenyekiti huyo Mstaafu wa Tume ya Taifa ya Uchaguzi (NEC), Jaji Makame amefariki dunia leo katika hospitali hiyo alipokuwa akipatiwa matibabu kwa muda sasa.
Hata hivyo, Julai 26, 2014 Rais Jakaya Kikwete alimtembelea Jaji Makame alipokuwa amelazwa kwa matibabu katika Hospitali ya AMI iliyopo Mikocheni jijini Dar es Salaam. Taarifa zaidi juu ya kifo hicho zitakujia mara baada ya kutufikia.