Mkuu wa Wilaya ya Rungwa Jackson Msome alikuwa mmoja wa viongozi waadamizi wa Serikali waliohudhuria ibada ya mazishi. Pichani Mkuu wa Wilaya hiyo akitoa heshima za mwisho kwa mwili wa Danny Mwakiteleko.
Mhariri Mtendaji wa Kampuni ya New Habari (2006) Ltd, Deodatus Balile akiaga mwili wa mfanyakazi mwenzake ambaye alikuwa ni Naibu wake kazini, marehemu Mwakiteleko.
Mke wa marehemu Mwakiteleko, Winnie (kushoto), watoto wa marehemu Vannesa na Caroline wakitoa heshima za mwisho kwa mwili wa baba yao katika Kanisa la KKKT Usharika wa Kijiji cha Ndala, Mbeya.
Wahariri wa habari kutoka vyombo anuai wakiubeba mwili wa marehemu kuelekea makaburini tayari kwa kuzikwa baada ya misa iliyoongozwa na wachungaji wa KKKT Usharika wa Ndala, Mwakaleli Dayosisi ya Konde.
Mwenyekiti wa Jukwaa la Wahariri ambaye pia ni Mhariri Mtendaji wa gazeti la Tanzania Daima, Absalom Kibanda akiwa na watoto wa marehemu Danny Mwakiteleko.
Mwili wa Danny Mwakiteleko ukishushwa kaburini na waombolezaji.
Wakati mwingine manjozi yalizidi na watu kushindwa kujizuia. Pichani Mwenyekiti wa Jukwaa la Wahariri (TEF), Absalom Kibanda na wahariri wengine pamoja na baadhi ya wanahabari wakilia baada ya kuupumzisha mwili wa marehemu Danny Mwakiteleko.
Winnie mke wa marehemu Danny Mwakiteleko akiweka taji juu ya kaburi la mumewe mara baada ya mazishi. Danny Mwakiteleko ameacha mke na watoto wawili Caroline (14)na Vanesa (11).