Ridhiwan Kikwete akiwa kwenye kampeni
MGOMBEA wa Chama Cha Mapinduzi (CCM), Jimbo la Chalinze ameibuka mshindi baada ya kuwashinda wapinzani wake waliokuwa wakigombea jimbo hilo. Taarifa ambazo mtandao huu umezipata kutoka katika moja ya chanzo cha habari zinasema Ridhiwani Kikwete amefanikiwa kupata jumla ya kura 23,612 huku Chama cha Demokrasia na Maendeleo kikiambulia kura 2,863. Chama cha Wananchi, CUF kimejipatia kura 476, NRA kura 75, huku AFP wakiambulia 59. Taarifa zaidi zinasema jumla ya kura zote zilizopigwa ni 27205. Hata hivyo taarifa hizi bado hazijathibitishwa na Msimamizi Mkuu wa Uchaguzi Jimbo la Chalinze. Taarifa zaidi hapo baadaye.