Simon Mkina
MHARIRI Mtendaji wa gazeti la mtandao ‘Thehabari.com’, Simon Mkina amepata ajali na kwa sasa amelazwa katika hospitali ya IMTU iliyopo maeneo ya Mbezi Beach.
Mkina alipata ajali hiyo usiku wa kuamkia leo jijini Dar es Salaam, akitokea kazini kuelekea nyumbani kwake maeneo ya Boko nje kidogo ya jiji la Dar es Salaam. Kwa mujibu wa taarifa iliyotolewa na mkewe asubuhi ya leo, Mkina amepata madhara kifuani na kwa sasa anafanyiwa vipimo katika hospitali aliyolazwa.
Mtandao huu utaendelea kuwapa taarifa zaidi kuhusiana na hali yake kadri tutakavyoendelea kuzipata. Mkina ambaye ni mwanahabari mkongwe amejiunga na timu ya dev.kisakuzi.com mwezi mmoja uliopita na kwasasa ni Mhariri Mtendaji na Kiongozi Mkuu wa website hiyo Tanzania.
Uongozi na wadau wa mtandao huu wanatoa pole kwa ndugu, jamaa na marafiki wa familia ya Mkina kwa ajali hiyo.