Nani Kuibuka Mshindi wa Tiketi ya Safari ya Braziri Wiki Hii?
*Tiketi ya kwanza kutolewa wiki hii
KAMPUNI ya Bia ya Serengeti inatarajia kuchezesha droo ya nne ya promosheni ya Winda Safari ya Brazili na Serengeti ambapo mshindi wa kwanza wa kwenda Brazili atapatikana. Licha ya zawadi kibao kutoka kampuni hiyo kama ving’amuzi, ipad, bia za bure, na fedha taslimu kufaidisha wateja wengi wa bia ya Serengeti kwa wiki tatu za mwanzo na zinazoendelea, wiki hii kutakua na zawadi kubwa zaidi ya promosheni hiyo ya safari ya kwenda Brazili ambapo mshindi atalipiwa gharama zote kwenda kutembea nchini humo.
Wakiongea kwa nyakati tofauti washindi wa wiki ya tatu ya promosheni hiyo wameonesha furaha zao kwa kupata zawadi hizo huku wakiishukuru Kampuni ya Bia ya Serengeti kwa kuwajali wateja wake huku wengi wao wakiwa na shauku ya kupata zawadi kubwa zaidi ya promosheni hiyo ya kwenda nchini Brazil ambayo droo yake itachezeshwa wiki hii huku gharama zote zikilipwa na Kampuni ya Bia ya Serengeti.
Akizungumza wakati wa hafla ya makabidhiano yaliyofanyika mapema wiki hii mmoja wa washindi wa Samsung tablet Vedastus Kalinga kutoka Mbeya alisema amefarijika sana kupata zawadi ya simu hiyo ya mkononi kutoka Kampuni ya Bia ya Serengeti kwani itamsaidia kufanya vitu vyake kwa urahisi zaidi katika ulimwengu huu wa dijitali ingawa ndoto yake ni kupata safari ya kwenda Brazili.
Naye Meneja wa Bia ya Serengeti Rodney Rugambo alisema mpaka sasa washindi watano wameshakabidhiwa simu aina ya ‘Samsung Galaxy tab 3’ na kumi na nne wameshapata ving’amuzi kupitia promosheni ya Winda Safari ya Brazili na Serengeti. Promosheni hiyo zaidi ya zawadi za washindi wa droo za kila wiki pia kuna washindi wa bia za bure za papo hapo na fedha taslimu ambapo zaidi ya wateja 716 wameshajipatia fedha taslimu Tsh 5000 na washindi 400 wameweza kujipatia Tsh 10,000.
“Tunapenda kuwataarifu wateja wetu kuwa wiki hii kutakuwa na droo kubwa yakupata mshindi wa kwanza wa safari ya Brazili ambaye atalipiwa gharama zote na Kampuni ya Bia ya Serengeti. Zawadi hii kubwa ni kwaajili ya wateja wetu chakufanya ni kufungua bia yako ya Serengeti kokote nchini na fuatilia maelezo ya promosheni na uweza kuwa mshindi wetu wa wiki inayokuja.
Pia unaweza kufuatilia kupitia www.facebook.com/serengetipremiumlager. Hivyo hatuna budi kuwashukuru wateja wetu kwa ushirikiano wanaotupa”, aliongeza Rugambo. Kunywa kwa tahadhari. Inauzwa kwa wenye miaka 18+.