NDUGU Mwandishi wa TheHabari, naomba utume hii post ili wasomaji wako waweze kunisaidia mawazo na ushauri.
Mimi naitwa Doroth, nimeolewa na Mume ninayempenda kwa miaka 4 sasa. Mume wangu anafanya kazi TRA na ana nafasi kubwa kazini.
Tatizo ni kwamba hatujajaliwa kupata mtoto. Mama mkwe na mawifi wameanza kunisimanga na kusema najaza choo cha ndugu yao bure, mawifi wanamshawishi kaka yao atafute mwanamke mwingine atakaye mzalia watoto.
Nimeshaenda kwa daktari akanipima na akasema sina tatizo lolote, nimejaribu kumbembeleza mume wangu aende kwa daktari ili kama naye ana matatizo aweze kutibiwa na amekataa.
Mume wangu alisafiki kikazi kwenda Mwanza kwa siku nne, na ‘weekend’ moja nilipitiwa nikalala na ‘house boy’ wetu na sijui niseme bahati mbaya au nzuri nimeshika mimba. Mpaka ninavyoandika mimba ina wiki 6.
Naombeni mnisaidie wasomaji wa Thehabari, Je nimwambie mume wangu kuwa nina mimba yake au nimwambie tu ukweli kwamba mimba sio yake na ni ya house boy wetu? Nampenda sana mume wangu na sitaki kumpoteza, najua tukipata huyu mtoto ndoa yetu itakuwa na amani sasa.
Asanteni sana kwa ushauri wenu.
Doroth.