AJALI mbaya imetokea muda huu eneo la katikati ya Wami na Segera. Taarifa za awali zinaeleza kuwa ajali hiyo imesababishwa na gari aina ya Noah ambayo ilikuwa inatokea Moshi, Kilimanjaro kuelekea jijini Dar es Salaam. Mashuhuda wanasema chanzo cha ajali hiyo ni mwendo kasi wa gari hiyo ambayo wanasema ilikuwa na abiria kupita uwezo wake huku dereva alikuwa anasinzia hali inayosadikika imesababisha yeye kupotea uelekeo na kwenda kuligonga gari la mizigo kwa mbele. Noah ilikuwa na jumla ya abiria zaidi ya kumi na mbili. Hadi tunaondoka eneo la tukio hakuna majeruhi aliyekuwa amepoteza maisha zaidi ya kujeruhiwa na kuumia vibaya.
Mmoja wa majeruhi wa ajali hiyo akiwa Amelazwa pembeni baada ya kupewa msaada.
Huyu pia ni mmoja wa majeruhi ambaye ameumia vibaya kwenye mguu.
Hii ndi gari aina ya Noah ambalo limehusika katika ajali na kuharibika vibaya kwa mbele.
Huyu mama ameumia kwenye paji la uso
Watu wakiendelea kutoa msaada kwa majeruhi wa ajali hiyo
Mmoja wa majeruhi wa ajali hiyo akiwa amelazwa pembeni ya barabara. Picha na DJ Sek Blog.