Eneo la Makaburi
UNAWEZA kuona kama maajabu endapo ingekutokea wewe, kushuhudia mtu aliyekufa na kuzikwa kufufuka kutoka kaburini. Tena akiibuka kwa taabu kutoka katika udongo uliomfukia kaburini. Amini usiamini imetokea hivi karibuni nchini Brazil.
Mwanamama mmoja nchini Brazil alijikuta katika taharuki kubwa iliyomfanya apige mayowe kuomba msaada akiwa eneo la makaburini baada ya kushuhudia mwili ukiibuka kwa tabu kutoka katika moja ya kaburini eneo hilo. “Nilikuwa katika woga mkubwa kwa kweli baada ya kuona moya ya kaburi likifumuka na mwili ukijitahidi kutoka katika kaburi hilo, alikuwa ni mtu aliyekufa na kuzikwa akiibuka katika moja ya kaburi huku nikishuhudia…!” alisema mwanamke huyo.
Akielezea tukio hilo mmoja wa maripota aliyefika katika tukio hilo, alisema mwanamama huyo alikuwa amekwenda makaburini kutembelea makaburi ya familia yao katika makaburi ya Sao Paulo, Ferraz de Vasconcelos siku ya tukio hilo.
Alisema ghafla alijikuta akipiga kelele za kuomba msaada baada ya kushuhudia mwili huo wa mwanamume uliotapakaa uchafu ukiibuka kwa taabu kaburini kutaka kujinasua kwenye kifusi cha kaburi. Hata hivyo wafanyakazi wa makaburi pamoja na Polisi ndio walifanikiwa kumtoa mtu huyo aliyefufuka kaburini na kumpa huduma ya msaada kutokana na hali yake mbaya kiafya.
“Kwa kweli nilishaghaa kuona mtu aliyekufa akijaribu kujinasua kwenye kifusi kutoka kaburini…alikuwa akiangaika kiasi ambacho ilionekana anapata taabu kutoka katika kifusi hicho cha udongo wa kaburi,” alisema mama huyo akizungumza na mwandishi wa habari hii.
Mwanamama huyo alitoa taarifa kwa mamlaka husika na watu wa huduma ya dharura ambao walifika eneo hilo na kukuta maitihiyo ikiwa imefanikiwa kutoa kichwa na kifua chote nje ya kaburi hivyo wao kumalizia sehemu iliyosalia ya mwili na kumtoa kaburini kabla ya kumpatia msaada zaidi.
Taarifa za awali zinasema mtu huyo aliyefufuka inadaiwa alikuwa mmoja wa wafanyakazi wa Ukumbi wa Jiji na haikujulikana namna alivyozikwa kama alikuwa mzima au tayari amekufa, hata hivyo alipelekwa katika kituo kimoja cha afya kwaajili ya msaada zaidi.
Zaidi waweza kuingia hapa na kushuhudia:- http://www.huffingtonpost.com/2013/11/08/man-buried-alive-brazil-rises-grave-cemetery_n_4240126.html?35993859
-huffingtonpost