Rais Jakaya Kikwete akifuturu pamoja na watoto yatima Ikulu
RAIS wa Jamhuri ya Muungano wa Tanzania, Jakaya Mrisho Kikwete jioni ya jana, Jumanne, Julai 16, 2013, amefuturisha watoto kutoka vituo vya kulelea watoto yatima na wanaoishi katika mazingira magumu Mkoani Dar- es -Salaam.
Katika shughuli hiyo iliyofanyika Ikulu, Dar es Salaam, Rais Kikwete na Mama Salma Kikwete wamefuturisha kiasi cha watoto 185 kutoka vituo 10 vya kulelea watoto hao.
Rais Kikwete na Mama Salma Kikwete hufuturisha makundi mbali mbali katika jamii wakati wa Mwezi Mtukufu wa Mfungo wa Ramadhan na kwa jadi kundi la kwanza kualikwa Ikulu kwa ajili ya futari huwa ni watoto yatima na wale wanaoishi katika mazingira magumu.
Akizungumza baada ya futari, Rais amewashukuru watoto hao na viongozi hao kwa kuweza kupata nafasi ya kuja kuungana naye kwenye shughuli hiyo muhimu ya Mwezi wa Ramadhan.