Baadhi ya viongozi na wananchi wa mkoa wa Rukwa na Mpanda wakimsindikiza kuapanda ndege msanii wa taarab na malkia wa mipasho Tanzania Khadija Omar kopa kwenye uwanja wa ndege wa mpanda baada ya kupewa taarifa ya kufiwa na mumewe Jafari Ali Yussuf aliyefariki Dunia leo alfajiri kutokana na ugonjwa, Bi Khadija Kopa alikua akitokea kwenye Maadhimnisho ya siku ya Mazingira Duniani kitaifa yaliyoadhimishwa Namanyere Mkoani Rukwa jana.
Mkuu wa mkoa Rukwa Eng. Stalla Manyanya kushoto akimfariji msanii na taarab na malkia wa mipasho Tanzania Khadija omar Kopa alipokua kwenye chumba maalum cha kupumzikia wageni kwenye uwanja wa ndege wa Mpanda baada ya kupewa taarifa ya kufiwa na mumewe Jafari Ali Yussuf aliyefariki Dunia leoa alfajiri kutokana na ugonjwa, Bi Khadija Kopa alikua akitokea kwenye maadhimisho ya siku ya mazingira Duniani kitaifa yaliyoaadhimishwa Namanyere Mkoani Rukwa jana. (Picha na ofisi ya Makamu wa Rais)
Khadija Kopa Afiwa na Mumewe
MSANII maarufu wa muziki wa taarab, Khadija Omar Kopa amefiwa na mume wake, Jafari Ali Yussuf aliyekuwa mgonjwa. Kwa mujibu wa taarifa ambazo mtandao huu umezipata ni kwamba mara tu baada ya Khadija Kopa kupewa taarifa hizo alipokuwa kwenye chumba maalumu cha kupumzikia wageni ndani ya Uwanja wa Ndege wa Mpanda aliishiwa nguvu na kuanza kusaidiwa kubebwa na watu aliokuwa nao karibu.
Msanii huyo na malkia wa taarabu nchini amepata taarifa hizo alipokua akitokea kwenye Maadhimisho ya Siku ya Mazingira Duniani yaliofanyika Kitaifa Namanyere, mkoani Rukwa.