Mwantumu Mahiza akiwa katika moja ya majukumu yake
Na Hussein Makame- Maelezo
RAIS wa Jamhuri ya Muungan wa Tanzania Dk. Jakaya Mrsho Kikwete amemteua Mwantumu Mahiza kuwa Skauti Mkuu nchini.
Kwa mujibu wa Katibu Mkuu Kiongozi Balozi Ombeni Sefue, uteuzi huo wa Mahiza umeanza Aprili 19 mwaka huu.
Balozi Sefue amesema Mh. Mwantumu Mahiza atatumikia nafasi hiyo kwa kipindi cha miaka minne hadi Aprili 19 mwaka 2017.
Mwantumu Mahiza anakuwa Skauti Mkuu kuchukua nafasi ya Kanali Mstaafu Idd Kipingu aliyemaliza muda wake kutumikia taifa katika nafasi hiyo.Mahiza mbali na kushika wadhifa huo, pia anatumikia nafasi ya Mkuu wa Mkoa wa Pwani.