Golikipa wa Bloggers United, ambaye ni mmiliki wa Mtaa kwa Mtaa Blog, Othuman Michuzi akiwa amenyanyuliwa juu baada ya mchezo huo.
Baadhi ya wachezaji wa Bloggers United wakiwa mapumziko.
Wahudumu wa msalaba mwekundu wakimuhudumia mmoja wa wachezaji machachari wa bloggers United.
Blogger maarufu na mmiliki wa Michuzi Blog, Issa Michezi (kulia) akiwasili uwanjani kuwapa nguvu vijana, anayemlaki ni mmiliki wa Father Kidefu Blog, Mrock Mrock.
Mgeni Rasmi wa Maadhimisho ya Media Day, Waziri wa Uchukuzi, Harrison Mwakyembe (kulia) akiwa na viongozi wa TBL.
TIMU ya mpira wa miguu ya wana – Bloggers imeibuka kidedea baada ya kuifunga bila huruma mabao 5-4 timu ya mpira wa miguu ya Chuo cha Uandishi wa Habari cha DSJ cha jijini Dar es Salaam. Bloggers United ndiyo waliokuwa wa kwanza kufungua kitabu cha mabao katika dakika za mwazo tu za mchezo, ambapo mpaka timu zinakwenda mapumziko Bloggers walikuwa wakiongoza kwa mabao 2 huku DSJ wakiwa na bao 1.
Kipindi cha pili cha mchezo kilianza kwa kasi ambapo Bloggers wakitafuta mabao zaidi huku DSJ wakitaka kusawazisha.
DSJ ndiyo walikuwa na mafanikio zaidi katika dakika za mwazo kipindi cha pili ambapo dakika chache tu tangu kuanza kwa mchezo huo walifanikiwa kusawazisha. Mchezo huo ambao ulikuwa wa kumtafuta mshindi ulilazimika kwenda kwenye matuta baada ya dakika za mchezo kumalizika bila kupatikana mshindi.
Hadi mwisho wa mchezo Bloggers United 5 huku DSJ 4.