Mabondia Maneno Osward kushoto na Japhert Kaseba walipokutana kwa ajili ya kuzungumzia mpambano wao utakaofanyika March 2 katika ukumbi wa DDC Magomeni Kondoa Dar es Salaam. (Picha na www.superdboxingcoach.blogspot.com)
Bondia Maneno Osward akijifua kwa ajili ya mpambano wake wa ubingwa dhidi ya Japhert Kaseba Machi 2 katika ukumbi wa DDC Madomeni Kondoa Dar es Salaam.
Na Mwandishi Wetu
BONDIA Maneno Osward ametamba kumchakaza mpinzani wake Japhert Kaseba kunako raundi za awali katika pambano lao litakalofanyika Machi 2. Akizungumza na mwandishi wa habari hizi bondia Maneno maarufu kwa jina la ‘Mtambo wa Gongo’ alisema yeye yupo fiti na anasubili hiyo siku ya pambano linalotarajia kufanyika katika Ukumbi wa DDC Magomeni kondoa apate kumshikisha adabu
Kaseba ni bondia mchanga sana kwangu nilimkaribisha katika masumbwi na sasa nitamstafisha masumbwi mimi mwenyewe kwa kipigo nitakacho mpa na atajua kwa nini nimepewa jina la mtambo wa Gongo. Katika mpambano huo kutakuwa na mpambano wa uzito wa juu kati ya Josefu Marwa na Alphonce Mchumiatumbo mpambano unaosubiliwa kwa hamu na mashabiki na wapenzi wa ngumi za uzito wa juu nchini.