Wasanii wa kundi la muziki la ‘FFU’ Ujerumani
KIKOSI kazi cha Ngoma Africa Band aka FFU yenye makao yake kule Ujerumani, wanategemewa kukwea jukwaa la Afro-Ruhr Festival, siku ya Jumamosi 30 Juni 2012 mjini Dortmund, Ujerumani.
Bendi hiyo maarufu ya muziki wa dansi barani Ulaya inayoongozwa na mwanamuziki Ebrahim Makunja aka Kamanda Ras Makunja wa FFU, itapeleka mzimu wake wote wa dansi katika onesho hilo kubwa la aina yake.
Mashabiki wa muziki katika onesho hilo wanakumbana “Jino kwa Jino” na makombora ya muziki wa Ngoma Africa band aka FFU, bendi hiyo kwa sasa inatamba nyimbo zake za “Supu ya Mawe”, “Uhuru wa Habari” na “Bongo Tambarare” ambazo zipo katika CD ya “BONGO TAMBARARE”. Nyimbo hizo pia zinasikika katika kambi yao FFU at www.ngoma-africa.com au http://www.ngoma-africa.com