Baadhi ya wanamuziki wa Bendi ya Msondo Ngoma, wakiwa na Super D wa pili kulia.
Na Mwandishi Wetu
BENDI Kongwe ya Msondo ngoma ya jijini Dar es Salaam inatalajia kufanya uzinduzi wa ukumbi mpya wa kisasa wa burudani wa Emirate Hall uliopo Masasi June 2 mwaka huu.
Akizungumza na waandishi wa habari Msemaji wa bendi hiyo Rajab Mhamila ‘Super D’ alisema wamealikwa kwa ajili ya kutoa burudani siku ya ufunguzi wa ukumbi huo ambapo watatoa burudani isiyo na kifani.
“Unajua sisi ni baba ya Muziki nchini ndio maana wapenzi wengi wanaitaji burudani kutoka kwetu…tunapopata nafasi ya kwenda mikoani tunakwenda kama hivi tumealikwa kutoa burudani siku hiyo tutatoa burudani ya uwakika,” alisema.
siku hiyo tutapiga vibao vyetu vya zamani na vipya. Alivitaja baadhi ya vibao vitakavyonogesha uzinduzi huo kuwa ni Suluhu wa Shabani Dede, Nadhiri ya Mapenzi wa Juma Katundu na Baba Kibene wa Eddo Sanga.
Alisema vile vile watapiga nyimbo zao za zamani zilizotamba wakati huo na kuongeza kuwa kundi hilo litaambatana na wanamziki wake wote wakiwemo wakongwe katika mziki wa Dansi Nchini Maalimu Gulumo ‘Kamana’ Saidi Mabela ‘DKT Mabela’ na wengine wote watafanya vitu vyao siku hiyo kwa ajili ya kukonga nyoyo za mashabiki wao wa Masasi.