Kikosi cha Simba SC
Na Mwandishi Wetu
TIMU ya Simba SC jana usiku imeondolewa kushiriki kombe la Shirikisho la Soka Afrika, baada ya kukubali kichapo cha mabao 12 kwa 11 kutoka kwa timu ya Al Ahly Shandy ya Sudani.
Simba ambayo ilikuwa na nafasi kubwa ya kusongambele baada ya kushinda mchezo wa kwanza Dar es Salaam kwa mabao 3-0, jana ilishindwa kutumia nafasi hiyo baada ya kukubali kurudishiwa kipigo cha mabao 3-0 nchini Sudan kwenye mchezo wa marudiano.
Al Shandy ambao walionekana kuwazidi kila idara Simba iliweza kujipatia mabao 3 hadi unamalizika muda wa dakika 90 za kawaida hivyo muamuzi kuamuru zipigwe penati ili kupatikana mbabe. Kumalizika kwa mpira huo kuliufanya mchezo huo kuwa suluhu ya mabao 3-3 ambayo kila timu imeyashinda ikicheza uwanja wa nyumbani.
Katika mikwaju ya penalti Al Shandy walifanikiwa kufunga mabao 9 huku Simba ikiambulia 8, hivyo Shandy kufanikiwa kusonga mbele kwa jumla ya mabao 12-11. Simba inawasili Jijini Dar es Salaam usiku huu kurejea nyumbani.