Kikwete amteua Bi. Kitogo msaidizi wake Huduma za Jamii

Rais wa Tanzania, Jakaya Mrisho Kikwete

Na Mwandishi Wetu

RAIS wa Jamhuri ya Muungano wa Tanzania, Jakaya Mrisho Kikwete amemteua Bi. Mwanahamisi Omari Kitogo kuwa Msaidizi wa Rais Huduma za Jamii.

Kwa mujibu wa taarifa iliyotolewa leo kwa vyombo vya habari jijini Dar es Salaam kutoka Ofisi ya Katibu Mkuu Kiongozi (KMK), Balozi Ombeni Sefue inasema kuwa uteuzi huo umeanza Mei Mosi, mwaka huu, 2012.

Taarifa hiyo inasema kabla ya uteuzi wake, Bi. Mwanahamisi Omari Kitogo alikuwa Mkadiriaji Ujenzi Msaidizi (Assistant Quantity Surveyor) katika Kampuni ya COWI, Tanzania.