Waandamanaji wakipinga unyanyasaji uliofanya na Polisi
KUNDI la wanawake wamevua nguo, nusu uchi kulalamikia kitendo cha Polisi wa Uganda anayedaiwa kumdhalilisha kingono mwanasiasa wa upinzani. Kanda ya video imeonesha Polisi akimtomasa tomasa matiti Bi. Ingrid Turinawe wa chama cha upinzani cha Forum for Democratic Change (FDC) baada ya kumkamata kuzuia maandamano ya wiki iliyopita.
Tayari Naibu Kamishina wa Polisi nchini Uganda, Andrew Kaweesa ameomba radhi na kuahidi kufanya uchunguzi kutokana na tukio hilo. Tangu uchaguzi mkuu mwaka 2011 ambapo rais Yoweri Museveni alishinda Uganda imeshuhudia maandamano ya upinzani ambapo wafuasi wengi wameishia celi za polisi.
Tukio la wiki jana lilipelekea kuwepo ghadhabu ya umma ambapo pia lalama zilitanda kupinga kukamatwa kwa Bi Turinawe ambaye ni kiongozi wa tawi la wanawale katika chama cha FDC kinachoongozwa na Kizza Besigye.
Taarifa zinasema wanawake hao waliandamana hadi kituo cha polisi wakiwa vifua wazi na kupeperusha mabango yaliokuwa na maandishi, ”utahisi vipi ikiwa sehemu zako nyeti zitafinywa,” Wanawake sita walikamatwa baada ya kukataa kufunika vifua vyao, lakini wakaachiwa huru bila masharti yeyote.
-BBC