Lulu katikati (aliyevaa nguo nyekundu) akiwa katikati ya ulinzi wa askari wa Jeshi la Magerteza na Polisi leo alipofikishwa mahakamani
Na Mwandishi Wetu
MSANII nyota wa filamu na chimpukizi, Elizabeth Michael maarufu kwa jina la ‘Lulu’ leo amefikishwa tena katika Mahakama ya Hakimu Mkazi ya Kisutu kwa kesi ya tuhuma ya mauaji inayomkabili.
Lulu amefikishwa mahakamani hapo ikiwa ni mara ya pili tangu afunguliwe kesi hiyo, akituhumiwa kuhusika na kifo cha msanii nyota na maarufu marehemu Steven Kanumba. Kesi hiyo yenye mvuto kwa wengi leo tena ilikusanya umati mkubwa wa wananchi katika Mahakama ya Kisutu jambo ambalo liliwapa wakati mgumu askari magereza na polisi waliokuwa wakitoa ulinzi wa kesi hiyo.
Hata hivyo kesi hiyo imehairishwa tena kwa kile uchunguzi bado hujakamilika na inatarajiwa kutajwa tena Mai 7, 2012 katika mahakama hiyo. Tayari jopo la mawakili kadhaa wamejitokeza kumtetea Lulu katika mashtaka yanayomkabili kwa sasa.