Mwanamuziki maarufu wa nchini Marekani, Whitney Houston
MWANAMUZIKI maarufu nchini Marekani, Whitney Houston amefariki dunia. Houston ambaye pia aliwahi kuwa mcheza filamu na mwanamziki aliyefanikiwa amefariki dunia akiwa na umri wa miaka 48.
Msemaji na mwandishi wa mwanamuziki huyo, Kristen Foster amekiambia chombo kimoja cha habari kuwa ni kweli Houston amefariki dunia japokuwa ajafafanua sababu za kifo chake.
Magari sita ya polisi huku yakiwa yamewasha vimulimuli kuashiria hatari yalionekana katika Hoteli ya Beverly Hilton, jana jioni sehemu ambapo Houston alikuwa anakaa.
Madaktari wa kituo kimoja kinachoa huduma za afya waliitwa jioni jana na inasemekana walimkuta akiwa katika hali mbaya chumbani mwake hotelini hapo. Kituo hicho cha huduma za afya kilithibitisha Houston kufariki dunia baadaye.
Mwanamuziki huyo aliwahi kukumbwa na kashfa ya matumizi za madawa ya kulevya pamoja na matumizi ya pombe kupindukia kiasi cha kuleta mgogoro katika ndoa yake na msanii maarufu wa R&B, Bobby Brown. Wakiwa kama wanandoa walibahatika kupata mtoto pekee, Bobbi Kristina Houston Brown katika maisha ya ndoa yao.