LIGI ya Taifa hatua ya fainali inaanza Agosti 6 mwaka huu kwenye Uwanja wa Mkwakwani jijini Tanga, ikishirikisha timu 12 zilizogawanywa katika makundi matatu ya timu nne.
Timu ya kwanza kutoka kila kundi na washindwa bora wawili (best losers)- watafanya jumla ya timu tano zitakazopanda Daraja la Kwanza.
Kundi A lina timu za Polisi Morani (Arusha), Mgambo Shooting (Tanga), Samaria (Singida) na Kasulu United (Kigoma). Polisi Dar es Salaam(Ilala), Majengo (Dodoma), Sifapolitan (Temeke) na Small Kids (Rukwa) ziko kundi B wakati kundi C lina timu za Mlale JKT (Ruvuma), Geita Veterans (Mwanza), Shinyanga United (Shinyanga) na Cosmopolitan (Ilala).
Kila siku zitachezwa mechi mbili ambapo katika ufunguzi kesho mchana Samaria itaumana na Kasulu United wakati jioni ni Polisi Morani na Mgambo Shooting.
Agosti 7 mwaka huu ni Sifapolitan na Small Kids wakati mchezo wa jioni utawakutanisha Polisi Dar es Salaam na Majengo.
Imetolewa na Boniface Wambura, Ofisa Habari Shirikisho la Mpira wa Miguu Tanzania.